Ramzan ka season

Nekiyon ka season Ramzan ka mahina

Nekiyon ka season Ramzan ka mahina

Ramzan Allah ki taraf se Momin ke liye sab se behtreen tohfa hai is mai jitni ibadat kar sakte hain dil se karen aur apne rab ko razi karen.

Nekiyon ka season

Importance of Ramadan in hindi and urdu:

Ramzan ka waqt apki zindagi ke bare hi qeemti auqat mai se ek hai. Is waqt ko ghaneemat samajhte hue ap apne lamhat ko zikar, ibadat aur tilawat mai sarf kijiye. Masjid mai rehkar dunia ki baaten karna wese hi mamnoon hai. Is liye Aitekaf ki halat mai bohot hi zyada parhez karen. Waqt aise guzare ke har bande ko apni fikar lagi hui ho.Ye na ho log ibadat kar rahe hon to mai bhi ibadat karun aur jab log sojaen to mai bhi sojaun, nahi balke har ek ka apna zarf hai aur har ek ki apni himmat.

Is mai khoob himmat lagaen. Albatta jo ijtimai Aamaal hain. Maslan jab bayan ya taaleem ka waqt ho is mai pabandi karna hoga. Is silsile mai hum ne ek nizam ul auqaat banadia hai.Insha Allah is mehfil ke akhir mai wo nizam ul auqaat taqseem kardia jaega. Ap isko apne pas rakhen aur is ke mutabiq waqt ki pabandi karen. Ye na ho ke jab bayan ka waqt ho us waqt ap sojaen aur jab sone ka waqt ho us waqt tabadla khayalat karen.Agar ap is nizam ul auqaat ki tarteeb se chalenge to faida hoga.

Itni baat arz karna zaroori samjhta hoon ke ap log aj apni dilon ki kefiyat dekhlijiye. Agar zindagi rahi to jab aitekaf se uth kar jane lagenge to us waqt bhi ap dil ki kefiat ko dekh lijiyega. Ye hamare mashaikh ki nisbat koi kachi cheez nahi hai bal ke ek pakki aur thos cheez hai. In 10 dino mai apko apne dil ki halat mai wazah nazar aegi. Ap yun mehsoos karenge ke admi kisi doosre jahan mai chala gaya tha aur bohot arse ke dobara is jahan mai wapis aya hai.

Allah walo ki sohbat ki ye taasir hoti hai ke dilon se dunia ki mohabbat nikal dete hain aur Allah rab ul izzat ki mohabbat dil mai bhar dete hain. Ap aadab ke saath ye waqt guzariyega. Bas akhir mai itna kehna chahta hoon Ramzan Allah ki taraf se Momin ke liye sab se behtreen tohfa hai is mai jitni ibadat kar sakte hain dil se karen aur apne rab ko razi karen. Ramzan ki fazeelat aur ehmiat ko koi nahi tol sakta lekin faida sab utha sakte hain.

Roza Daron ke liye Allah ki taraf se 2 Khushiyan

Check Also

Marz se shifa

Marz se shifa ke liye rohani ilaj

Marz se shifa ke liye rohani ilaj Shifa e kamla ke liye islami wazifa: Wazifa: …

Leave a Reply

Your email address will not be published. Required fields are marked *